تفسير مفهوم اغنية حدوته مصرية

حدوتة شايفها منير في مصر و المصريين من زمان و فعلا زي ما هنشوف انة بيخاطب حقيقة موجودة فعلا .


"منرداش يخاصم القمر السما منردش تدوس البشر بعضها , منرداش يموت جوة قلبي ندا .منرداش قلبي جواي يغني اجراس تدق لصرخة ميلاد تموت حتة مني الاجراس بتعلن نهاية بشر من العباد "



منير بيقول منرداش ؟ وفي هذا اللفظ الأحتجاح علي اشياء في حياتنا هنافي مصر , كلنا مش بنحب سياسة الحكومة المصرية و ظلمها للناس فقال منير منرداش يخاصم القمر السما وهنا بيشبة الحكومة و الشعب بالقمر و السما




منرداش تدوس البشر بعضها و هنا منير لمس نقطة التفاوت الطبقي بين الناس ,و إن اللي معاة الفلوس و السلطة بيدوس علي الناس و ممكن يأزي ناس عشان يوصل لهدفة و دي حقيقة موجودة فعلا


منرداش يموت جوة قلبي ندا: مش عايز اللي بحلم بية و بتمناة يموت جوة قلبي و انا بصراحة شايف كدة فعلا , وراء كل مصري كنز لكن السياسة المصرية سرقت مفاتيح كتير من كنوز مصر , والكنز دة بقصد بية طاقات الشباب و افكرهم و طموحاتهم و موهبتهم . و مفتاح الكنز هو توفير كل ما يحتاجة الشباب لأخراج ما بداخلة من فن و ابداع . لكن فين؟ . . . . .


منرداش قلبي جواي يغني اجراس تدق لصرخة ميلاد تموت حتة مني الاجراس بتعلن نهاية بشر من العباد : هنا منير بيوصف الناس اللي قلوبها في البداية منذ الميلاد قلوب بيضاء مليها الغنا و الفرحة إلا انها تعكرت تلك القلوب و اصبحت قاسية و شريرة و عشان كدة بيقول منير تموت حتة مني و بيقصد مات الخير و الحب جوة القلب المصري و شوف كام مصري اتعكرت قلوبهم ,ناقوس الخطر بيدق علينا يا مصريييين ...



" دة الحكمة جتلتني و حيتني و خلتني اغوص في قلب السر جلب الكون قبل الطوفان ماييجي و خلتني اخاف عليكي يا مصر و احكيلك علي المكنون "


منير بيخاطب مصر كأنها شخص بيحذرة , يا مصر انا بشكيلك اللي شوفتة و اللي مخليني مش عارف عايش ولا ميت ؟ يا مصر خدي بالك من اولادك قبل ما الطوفان ييجي و ياخد منك كل شيء جميل انا بحكيلك من اعماق قلبي يا مصر وعلي اللي جواية و مكنون فيا .


" مين اللي عاقل فينا مين مجنون , مين اللي مدبوح من الالم ,مين اللي ظالم فينا مين مظلوم , مين اللي ما يعرفش غير كلمة نعم "



الحقيقة فييييييييين يا مصريين مين فينا اللي عاقل مين مجنون مين اللي بيمثل انة تعبان و مين اللي بجد اتدبح من الحزن و الشجن مين الظالم مين المظلوم ؟ مين اللي ما يعرفش غير كلمة نعم و هو ابسط مثال بيقولة منير لأنسان بسيط مش بيقول غير حاضر و نعم بس مين ؟ دة ولا دة ؟ دة بيمثل انة كويس ولا هو فعلا كويس ؟ . . . هكذا تناقضات كتير و الحقيقة غابت عننا .


"مــين الى محنيلك خضار الفلاحين الغلابة مــــــين الى محنيلك عمار عمالك الطيابة مـين الى بيبع الضمير ويشترى بية الدمار "



بيفكر منير مصر بناس بتحبها بجد و بيقولها , مين اللي مخضرك ؟ الفلاحين الغلابة , مين اللي معمرك ؟ عمالك الطيابة ؟ مين اللي بيستغل الفلاحين و العمال في الدمار و الشر و بيبيعوا ضمرهم ؟


"مين هوة صاحب المسئلة و المشكلة و الحكاية و القلم رأيت كل شيء و تعبت علي الحقيقة جابلت فى الطريق عيـون كتير بريئة اعرف بشر عرفوني لا لا معرفونيش جبلوني و جبلتهم بمد ايدى لك طب لية ماتجبلنيش لا يهمـى اسمك لا يهمني عنوانك لا يهمنــــــى لونك ولا ميلادك مكانـــك يهنى الانسان ولو ملوش عنوان "



مين اللي معاة الحقيقة مين اللي كتب الحدوتة دي؟ انا تعبت و مش قادر اوصل للحقيقة, في طريقي اناقبلت عيون بريئة كتير و عرفت بشر صحيح عرفوا اسمي و ميلادي و لوني ؟ إلا انهم معرفونيش كإنسان
عشان كدة انا ميهمنيش لا الاسم ولا العنوان و لا اللون ولا المكان و لا الميلاد , انا بس يهمني انت , الانسان , حب , عطاء , احساس , خير هو دة الانسان



"يناس ياناس يمكبوتة هية دى الحــــــدوتة حدوتة مصــرية حدوتة مصــرية "



فهمتوا يا ناس انا عايز اقول اية؟, فهمتوا احنا عايشين ازاي؟ يا ناس يا ناس يا مكبوتة اسمعوا و اعرفوا حدوتة مصرية